Juventusi ka zyrtarizuar ditën e martë Rabiot, që transferohet nga PSG me parametra zero, por tani po mendon edhe largimet apo shitjet e atyre futbollistëve që do të sillnin para në arkat bardhezi. Mes tyre, portieri i dytë, Mattia Perin, që tashmë rrezikon të bëhet i tretë dhe ta shohë fushën me teleskop, duke parë se Buffon do të kthehet te "Zonja".
Në drejtim të ish-portierit të Genoas dhe kombëtares së Italisë, sakaq, kanë ardhur dy ofertatë rëndësishme: bëhet fjalë për Benfica dhe Porto, që janë interesuar. Por, gardiani bardhezi nuk është i interesuar dhe ia ka bërë të qartë edhe agjentit Luçi.
Perin dëshiron të qëndrojë në Itali dhe, nëse Milani shet Donnarumma, do të transferohej te kuqezinjtë.