Bayern Munich ka synime serioze për ta transferuar Ousmane Dembelen këtë verë, por Barcelona ka bërë me dije se francezi nuk është në shitje, të paktën jo momentalisht.
Kampioni i Bundesligës është i gatshëm t’i shpenzojë 80 milionë euro për ta kthyer në Bundesligë lojtarin, i cili kishte shkëlqyer në fanellën e Borussia Dortmundit, para se t’i bashkohej Barcelonës.
Megjithatë, sipas mediave në Spanjë, presidenti i Barçës, Josep Maria Bartomeu, ka mbajtur një takim me menaxherin e Dembeles, të cilit ia ka bërë me dije se klubi është duke llogaritur në 22-vjeçarin.
Barcelona do të detyrohet t’i balancojë financat, nëse dëshiron t’i transferojë Antoine Griezmannin dhe Neymarin.