Sulmuesi i Argjentinës Sergio Aguero ka goditur vendimet e gjyqtarëve gjatë humbjes në gjysmëfinale të Kupës së Amerikës ndaj Brazilit, duke pretenduar se VAR ishte fajtor për golin e dytë të ‘Seleçao’.
Me Brazili që po udhëhiqte 1-0 me golin e Jesus, sulmuesi i Argjentinës u pengua në zonë në minutën e 70’ nga Dani Alves.
Gjyqtari Roddy Zambrano nuk e mori parasysh apelin e lojtarëve të ‘Albiçelestëve’ që kërkuan penallti, dhe në aksionin pasues mikpritësit dyfishuan rezultatin me Firminon.
”Ndjenja nuk është e mirë. Goli i dytë ishte i diskutueshëm”, u tha ai gazetarëve. “Juan Foyth ndaloi pasi mendoi se edhe gjyqtari do vepronte njësoj. VAR ka punuar shumë mirë deri më sot – e pabesueshme!”
“Ne nuk i kushtojmë vëmendje këtyre gjërave në fushë, përveç goditjes që Dani Alves më jep nga prapa”.
“Unë nuk e di pse Zambrano nuk e ka kontrolluar VAR-in. Në atë kohë, ai [Zambrano] nuk mund ta shohë atë, dhe ata na thanë se VAR do të bëhej si një gjyqtar i pestë”, u shpreh tejet i nervozuar ylli i Manchester Cityt.
