Sulmuesi i Dinamo Zagrebit, Dani Olmo, është bërë objektiv i top skuadrave evropiane pas shkëlqimit që pati në Kampionatin Evropian U21, me Spanjën që mposhti 2-1 Gjermaninë në finale.
Olmo nuk mungoi në listën e realizatorëve në finale, pasi në të gjithë kompeticionin shënoi tre gola – duke mos arritur ta rrëmbejë ‘Këpucën e Artë’, por duke marrë të gjithë vëmendjen e top skuadrave evropiane.
Sipas të përditshmes kroate Sportske Novosti, sulmuesi spanjoll është objektiv i disa prej skuadrave të njohura në Evropë.
Në krye të spekulimeve qëndron Manchester United, që thuhet si ka ofruar menjëherë klubit kroat 40 milionë euro për 21-vjeçarin.
Por Chelsea, Liverpool, Arsenal, Bayern Munich, Borussia Dortmund, Inter dhe PSG gjithashtu kanë vëzhguar situatën e 21-vjeçarit.
