Shtatë herë kampioni i Evropës, klubi italian, AC Milan, i ka shprehur ngushëllime familjes dhe klubit të Young Boys për vdekjen e futbollistes shqiptare, Florijana Ismaili.
Pas lajmit se është gjetur trupi i saj e gjithë bota e futbollit është në zi dhe komuniteti sportiv kanë dërguar ngushëllimet e tyre në drejtim të familjes Ismaili dhe klubit zviceran.
“Me zemër të thyer kemi dëgjuar për vdekjen e futbollistes së Zvicrës, Florijana Ismaili.
Ngushëllimet tona më të sinqerta për familjen e saj, miqtë dhe Young Boys”, shkruan Milani në Twitter.