E ribotojmë një deklaratë shumë interesante të 10 qershorit të vitit 2016 për gazetën kombëtare “Bota sot” të të ndjerës Florijana Ismailit. Ajo kishte folur para ndeshjes Shqipëri-Zvicër.
Kudo që jetojnë e veprojnë shqiptarët sfidën e sotme të Euro 2016, në mes Shqipërisë dhe Zvicrës, e presin me emocione të mëdha. Futbollistja e Young Boys-it,
Florijana Ismajli, ndryshe anëtare e kombëtares së Zvicrës, tha se është e gëzueshme për këtë ndeshje të madhe. Mesfushorja-sulmuese për gazetën kombëtare “Bota sot” thotë se le të fitojnë ata që luajnë më mirë.
“Unë jam e gëzuar për këtë lojë që luhet nesër dhe mendoj se ka mu bërë lojë shumë interesante!
Gjakun e kam shqiptar por jetoj në Zvicër, për këtë jam me të dyja! Ajo ekip që luan më mirë lutem që të fitojë”, tha Florijana (me 10 qershor, 2016).
