Klubi i Partizanit nga Tirana ka njoftuar largimin e qendërmbrojtësit ferizajas Lum Rexhepi.
Futbollisti shtatlartë dhe drejtuesit e klubit kryeqytetas kanë arritur marrëveshjen për ndërprerjen e bashkëpunimit.
Mbrojtësi 26-vjeçar është lojtari i dytë që largohet nga “demat” ditën sotme, pasi më parë klubi njoftoi ndarjen me mesfushorin Ardit Hila.
Rexhepi ishte një ndër përforcimet e kryera nga Partizani gjatë janarit.
Qendërmbrojtësi pati një debutim të shkëlqyer teksa ishte një ndër më të mirët në fushë në fitoren 1:0 të Partizanit në Korçë ndaj Skënderbeut, por më pas nuk mundi të tregonte vazhdimësi në kampionat.
Rexhepi është qendërmbrojtësi i dytë që largohet nga “demat” gjatë këtij afatit kalimtar pas nigerianit Sodik Atanda.