Skuadra e Llapit sot i ka nisur stërvitjet për edicionin e ri në futbollin kosovar, megjithatë ato duket se nuk kanë kaluar ashtu siç është paraparë.
Burime te afërta me skuadrën e Llapit na mësojnë se një pjesë e skuadrës ka injoruar stërvitjet kjo për shkak të borxhit që ka klubi.
"Është e vërtetë që nuk kemi shkuar në stërvitje dhe nuk do të shkojmë deri në shlyrjen e obligimeve", i ka thënë një futbollist i Llapit në kushte anonimiteti.
Burime të medias thonë se yjet si Mentor Zhdrella, Behar Maliqi e Bujar Idrizi, por edhe të disa futbollistë të tjerë kanë munguar në stërvitjet e sotme.