Lampard e bind Hudson-Odoin për rinovimin e kontratës - Bota Sot
Lampard e bind Hudson-Odoin për rinovimin e kontratës

Futboll

Lampard e bind Hudson-Odoin për rinovimin e kontratës

Më: 6 korrik 2019 Në ora: 14:26
Hudson-Odoi

Ardhja e Frank Lampard te Chelsea ka dhënë menjëherë sinjale pozitive.

Trajneri anglez, si ish lojtar i “Bluve të Londrës” ka ndërmend t’u japë shanse edhe lojtarëve të rinj teksa me një bisedë me Hudson-Odoi e ka siguruar se do të jetë një nga protagonistët e skuadrës që ai drejton.

Një lëvizje e tillë ka bindur talentin anglez të avancojë me rinovimin e kontratës çka do të largojë interesimin e hershëm të Bayern Munich për sulmuesin 18-vjeçar.

Sipas mediave angleze, Hudson-Odoi do të nënshkruajë kontratë të re 5-vjeçare dhe do të fitojë 100 mijë funte në javë.

Sezonin që lamë pas, ai ka bërë 29 paraqitje me “Blutë e Londrës” dhe ka shënuar 6 gola, derisa ka dhuruar 7 asiste.

Odoi aktualisht po rikuperohet nga një dëmtim në gju, pritet të jetë gati në tetor për t’u rikthyer në fushë ndërsa rinovimi do të konkretizohet përpara rehabilitimit të talentit 18-vjeçar.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...