Para një viti bota e futbollit mori një goditje të rëndë

Futboll

Para një viti bota e futbollit mori një goditje të rëndë

Më: 7 korrik 2019 Në ora: 14:53
Para një viti bota e futbollit mori një goditje të rëndë

Para një viti bota e futbollit dhe jo vetëm, mori një goditje të rëndë duke qenë se kapiteni i Fiorentinës, Davide Astori ndërroi jetë në hotelin ku skuadra e tij ishte akomoduar.

Fiorentina do të luante ndaj Udineses në Seria A, por në mëngjesin e ditës së ndeshjes, Astori nuk zbriti për të ngrënë dhe u gjet i vdekur në dhomë.

Hetimet për të vazhdojnë edhe sot, pasi ende nuk është gjetur arsyeja ekzakte që çoi në vdekjen e futbollistit. Fillimisht, u akuzua mjeku i tij që kishte kryer testet fizike dhe mjekësore pasi kishte vënë re se ka probleme me zemrën, megjithatë ai e kishte mbajtur të fshehtë këtë dhe e kishte lejuar Astorin që të luante.

Sot, ka dalë në skenë një tjetër hipotezë që lidhet sërish me mjekun Xhorxho Galanti. Ai e ka plotësuar letrën e Astorit sikur gjithçka është e rregullt, por në fakt duket se Astori nuk i ka kryer asnjëherë testet mjekësore për zemrën dhe për nivelin e stresit.

Kjo ka bërë që Astori të mbante një certifikatë false e lëshuar nga mjeku dhe i ndihmuar nga një tjetër person i cili ka punuar gjatë kësaj kohe për të fshehur gjurmët.

Tashmë, Galanti mund të hetohet për shpërdorim detyre dhe neglizhencë që çoi në vdekjen e Astorit, si edhe për falsifikim.

Sot mund të lexoni Shfletoni kopertinat