Shtetet e Bashkuara të Amerikës janë kampione të botës. Amerikanet shënuan fitore me rezultat 2:0 ndaj Holandës, në ndeshjen finale të Kampionatit Botëror, që u zhvillua në stadiumin “Parc Olympique” në Lyon.
Atmosferë drithëruese, lojë shumë e mirë dhe amerikanet triumfuan me plotë meritë! Pjesa e parë e sfidës përfundoi pa gola, por në periudhën e dytë amerikanet ishin më energjike dhe shënuan dy gola të shpejt duke i dhënë goditje Holandës që kërkonte të bënte historinë. Në minutën e 60-të, van der Gragt shkaktoi penallti, pasi ndërhyri ndaj Morgan.
Përgjegjësinë e mori Megan Rapinoe e cila gjuajti me aq gjakftohtësi nga penalltia, duke e lënë të shtangur portieren holandezë, 1:0 pikërisht në minutën e 61-të.
Pas 8 minutave (69’) gjithçka u qartësua se kush do të jetë kampion i ri i botës. Futbollistja Rose Lavelle me një lëvizje mjeshtëroren dhe nga rreth 15 metra godet fuqishëm dhe topi përtokë e në këndin e majtë të portës holandeze, 2:0.
Gol që preu këmbët e futbollisteve të Holandës, që nuk kishin fuqi të bëjnë asgjë deri në fund, ndërsa amerikanet triumfuan dhe festojnë këtë sukses të madh të tyre.
SHBA-Holanda 2:0
Stadiumi “Parc Olympique” Lyon.
Gjyqtar: S. Frappart (Franca).
Shënues: Rapinoe (61’-nga penalltia), Lavelle (69’).
Kartonat e verdhë: Dahlkemper- Spitse, van der Gragt.
SHBA: Naeher, O'Hara (Krieger 46’), Dahlkemper, Sauerbrunn, Dunn, Mewis, Ertz, Lavelle, Heath (Lloyd 87’), Morgan dhe Rapinoe (Press 79’).
Holanda: van Veenendaal, van Lunteren, Dekker (van de Sanden 73’), van der Gragt, Bloodworth, Groenen, van de Donk, Spitse, Beerensteyn, Miedema dhe Martens (Roord 71’).
