Sulmuesi italian, Stephan El Shaarawy, ka konfirmuar largimin e tij nga skuadra e Romës dhe është nisur drejt Kinës.
El Shaarawy është parë në aeroportin Fiumicino të Romës, para se të niset për Kinë për aventurën e re në karrierë te skuadra e Shanghai Shenhua.
“Gjithmonë do t’i jem falënderues tifozëve të Romës për këto tri vite së bashku” – ka deklaruar shkurtë sulmuesi italian për “Il Tempo”.
26 vjeçari pritet të kryej nesër(e henë) testet mjekësore dhe të nënshkruajë kontratë tre vjeçare me klubin e Shanghai.
Sipas raportimeve nga mediat italiane, Roma do të përfitojë 18 milionë euro nga shitja e tij.
