Cengiz Under është ndër yjet e paktë që i ka mbetur skuadrës së Romës.
Giallorosët vitet e fundit thuajse kanë shitur gjithë futbollistët e tyre më të mirë.
Këtë afat kalimtar veror, Roma ka larguar dy yjet Kostas Manolas në drejtim të Napolit dhe Stephan El Shaarawy në drejtim të Shanghai Shenhua.
Por largimi i tretë i madh mund të jetë sulmuesi turk Cengiz Under.
21-vjeçari është në orbitën e Bayern Munichut, me kampionin gjerman që ka rikthyer interesimin për të.
Mediat gjermane kanë raportuar se Bayerni është gati të ofrojë deri në 45 milionë euro për sulmuesin anësorë.
Interesim për Underin kanë shprehur edhe skuadrat angleze Arsenal dhe Tottenham Hotspur.
Në anën tjetër Roma do të mundohet ta ndalë së paku edhe për një vit yllin e tyre që t’i rritet edhe më shumë vlera.
