"Nainggolan dhe Icardi janë talente, por nuk bëjnë pjesë në planet tona", - tha Marotta në lidhje me të ardhmen e tyre tek Interi. Drejtuesi e bëri të qartë se nuk ka vend për ta në formacionin e Antonio Contes.
"Ninxha" ka filluar të konsiderojë largimin drejt Kinës. Ai e ka kuptuar se nuk ka të ardhme në "San Siro" dhe paratë aziatike po e tundojnë shumë. Belgu ka ngarkuar agjentin e tij që t'i gjejë një projekt serioz me të ardhura të mira në Kinë.
Daliani i Benitezit dhe Hamsikit ka dalë në skenë, ndërsa një alternativë mbetet dhe Shanghai Shenhua me sulmuesin El Shaarawqy që është kthyer sërish në një "faraon".
