Rashfordi e komenton videon kontroverse të Lingardit - Bota Sot
Rashfordi e komenton videon kontroverse të Lingardit

Futboll

Rashfordi e komenton videon kontroverse të Lingardit

Më: 10 korrik 2019 Në ora: 12:10
Foto ilustrim

Marcus Rashford e ka pranuar se videoja kontroverse e bashkëlojtarit të tij në Manchester United, Jesse Lingard, gjatë kohës sa këta të dy ishin në pushime, ishte e gabuar.

Jesse Lingardi tërhoqi të gjithë vëmendjen e tifozëve dhe mediave britanike pasi e postoi në rrjetet e tij sociale një video ku e tregonte dhomën e tij të çrregullt në një hotel në Miami, ku po qëndronte edhe Marcus Rashfordi dhe disa shokë të tjerë muajin e kaluar.

Sulmuesi anglez, Lingard, u kritikua për përdorimin e gjuhës së papërshtatshme në këtë video dhe ish-kapiteni i Manchester Unitedit, Gary Neville, iu referua atij si “prapanicë”.

Përfaqësuesit e Lingardit kishin pretenduar se ajo video ishte publikuar aksidentalisht, por megjithatë ai mori shumë vëmendjen për gjuhën dhe sjelljen e tij në atë video.

Lingardi dhe Rashfordi janë bashkuar sërish dhe tani ndodhen në Perth të Australisë për turneun parasezonal. Në konferencën për shtyp të mbajtur sot, Rashfordi e komentoi këtë video të Lingardit.

“Unë nuk kam folur me trajnerin për këtë gjë. Por, nga ajo që unë e pashë… njerëzit duhet ta kuptojnë se ai ishte duke e shijuar pushimin e tij dhe ajo video ishte një gabim”, është shprehur Rashfordi.

“Nuk kam çfarë të them tjetër për këtë gjë”.

Manchester Unitedi do të përballet të shtunën me Perthin në ndeshjen e parë miqësore të turneut parasezonal, pastaj do të zhvillojë ndeshjet kundër Leeds Unitedit dhe Interit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...