Edhe pse nuk bën më pjesë në planet e trajnerit Zinedine Zidane, sulmuesi uellsian ka edhe 3 vite kontratë me Los Blancos dhe nuk dëshiron të largohet nga Madridi pasi është i sigurt se mund të bëjë mirë dhe mund të bindë sërish trajnerin Zidane të besojë tek ai.
Nga Lindja e Largët ka ardhur vërtetë një ofertë e paimagjinueshme për Bale pasi një klub i Superligës kineze, emri i të cilit nuk bëhet i ditur i ka ofruar britanikut një pagë faronike prej 1 milionë euro në javë, me Gareth që nëse do të pranonte do të bëhej futbollisti më i paguar në botë, por uellsiani e ka refuzuar ofertën pasi transferimi në Kinë nuk bën pjesë në planet e tij të afërta.
