Ish-futbollisti i Afrikës së Jugut, Marc Batchelos është qëlluar për vdekje afër shtëpisë së tij në Johannesburg.
Batchelos ka luajtur për skuadrat e Kaiser Chiefs, Orlando Pirates dhe Mamelodi Sundowns në Afrikën e Jugut..
“Ai është qëlluar nga dy persona që ishin duke vozitur një motoçikletë”, tha zëdhënësi i policisë, Col Lungelo Dlamini për “SABC”.
“Të dyshuarit kanë qëlluar disa herë në drejtim të tij. Batchelos ka vdekur brenda në veturë dhe sulmuesit u larguan menjëherë nga vendi i ngjarjes”, tha zëdhënësi në mes të tjerash.
Dlamini gjithashtu tregoi se Batchelos ishte duke udhëtuar me një kopshtar, i cili në këtë rast nuk mori asnjë lëndim.