Daniele De Rossi duket se do të shtyjë pensionimin e tij dhe të bëjë një nga ëndrrat e tij realitet duke luajtur për Boca Juniors.
Mesfushori mbush 36 vjeç më vonë këtë muaj dhe kontrata e tij me klubin e Romës nuk u rinovua.
Ai kishte qenë gati të pensionohej pas largimit nga Serie A, por TN.com dhe Sky Sport Italia tani raportojnë se De Rossi është gati të nënshkruajë një kontratë pesë-mujore për Bocan.
De Rossi kishte thënë gjithmonë se ishte ëndrra e tij për të luajtur në stadiumin legjendar ‘Bombonera’ dhe drejtori i sportit te Boca Juniors është ish-shoku i tij i ekipit te Roma, Nicolas Burdisso.
Mesfushori italian duket se vetëm do të luajë për një kohë të shkurtër në Argjentinë, përpara se të pensionohet në mënyrë zyrtare.