Transferimi i Antoine Griezmann dhe një lëvizje e mundshme për Neymar, kanë detyruar ekipin e Barcelonës të mendojë për shitjen e disa prej yjeve të skuadrës.
Kësisoj, ‘Blaugranasit’ kanë vendosur për shitjen e anësorit Malcom vetëm për çmimin e duhur, i cili mendohet të jetë rreth 60 milionë euro.
E ardhmja e brazilianit është në dyshim të madh pas një sezoni jo të mirë që pati.
Malcom ishte shumë pranë kalimit te Roma edicionin e kaluar, por vetëm pasi ateroi në aeroportin e kryeqytetit italian vendosi të ndërrojë destinacion e që duket se ishte ‘i mallkuar’.
Everton dhe Tottenham janë dy klubet që kanë ndjekur nga afër situatën e yllit brazilian, por deri tani nuk ka ardhur asnjë ofertë në drejtim të Barcës.