Ditët e fundit një ndër emrat që u përfol se ishte shumë pranë Milanit ishte mesfushori Jean Michael Seri, i cili ishte nxjerrë në shitje nga Fulhami pas rënies nga Premier Liga.
Klubi londinez e bleu për 30 milionë euro nga Nica verën e shkuar, shifër e ekzagjeruar, ndërsa këtë verë kërkonte blerës, por asnjë klub nuk ofronte aq shumë, edhe pse në skenë doli edhe emri i Milanit, që nuk dihet a e donte realisht.
Tani mesfushori me tipare mbrojtëse firmos në Turqi, sepse Fulham e ka huazuar për një vit te Galatasaray, për 1.5 milionë euro.
28-vjeçari, 32 ndeshje sezonin e fundit, do të fitojë 2.8 milionë euro për një sezon, ndërsa Galatasaray do të ketë kohë deri në 1 qershor 2020 për ta blerë për 18 milionë euro.
