Inter i përgjigjet presionit të Contes; Paguhet çmimi i Lukaku, afrohet edhe Dzeko! - Bota Sot
Inter i përgjigjet presionit të Contes; Paguhet çmimi i Lukaku, afrohet edhe Dzeko!

Futboll

Inter i përgjigjet presionit të Contes; Paguhet çmimi i Lukaku, afrohet edhe Dzeko!

Më: 20 korrik 2019 Në ora: 00:54
Lukaku dhe Conte

Presioni i Antonio Conte ka rënë në veshët e drejtuesve të Inter, të cilët i patën premtuar trajnerit se do të kishte më vete në turin e Azisë të gjithë lojtarët e nevojshëm, përfshirë emra si Lukaku dhe Dzeko.

Gjithsesi aktualisht Inter ndodhet në Singapor dhe Conte në dispozicion për në sulm ka lojtarë si Esposito, Longo, Politano, Vergani dhe Colidio....

Manchester United ka kërkuar shumë para për të lënë të lirë sulmuesin belg, mbi 83 milionë euro kanë kërkuar “Djajtë e Kuq” dhe Inter duket se do ia plotësojë dëshirën. 

Në orët e fundit gazeta britanike “Times” ka bërë me dije se Inter është gati të paguajë shifrën që kërkon klubi anglez dhe t’iu vërë në dispozicion trajnerit italian sulmuesin e shumëdëshiruar. Sipas informacioneve klubi italian do të ofrojë 60 mln paund (66.5 mlns euro), plus 15 (16.5 mln euro) të tjera në formë bonusesh, që në total shkojnë në 83 milionë euro, aq sa është edhe kërkesa e United, që fillimisht kërkoi 90 mln euro, por në fund pranoi të bëjë ulje.

Përveç Lukaku, mediet në Itali kanë bërë me dije se hapa të rëndësishëm Inter ka hedhur edhe në drejtim të Edin Dzeko. Për sulmuesin boshnjak pritet të ketë takime në javën e ardhshme dhe Inter duket se ka gjetur rrugën e duhur të negocimit me Romën, që po pret një sinjal nga Gonzalo Higuain, para se të lërë të lirë Dzekon. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...