FC Zurich zhgënjeu në hapje të edicionit të ri në elitën e futbollit zviceran. As laiku më i madh nuk e kishte pritur se Zurich si vendas do të pëson humbje me rezultat të thellë 4:0 nga Lugano. Një ditë e keqe për shqiptarët e Zurich-ut, reprezentuesin e Kosovës, Benjamin Kololli dhe Izer Aliu.
Kololli luajti tërë takimin, kurse Aliu u fut në minutën e 74-të dhe pas dy minutave u ndëshkua me karton të verdhë. Golat i shënuan: Mariq (30’-nga penalltia), Aratore (39’), Rodriguez (45’) e Vecsei (79’).
Kampioni i Zvicrës, Young Boys, befasoi si vendas duke barazuar me rezultat 1:1 me të rikthyerin në elitë, Servette. Ndeshja u përcoll nga 25110 shikues. Për kampionin shënon Ngamaleu (5’) dhe për mysafirët Wüthrich (31’).
Reprezentuesit e Kosovës, Idriz Voca dhe Shkëlqim Demhasaj, me ekipin e Luzernit, u kthyen me tri pikë domethënëse. Luzern triumfoi me rezultat 2:0 në konak të St. Gallenit. Fitore që u sigurua në finish, me golat e Eleke në minutën e 87-të nga penalltia dhe Schneuwly (90+5’).
Voca u paraqit tërë ballafaqimin, kurse sulmuesi Demhasaj nga minuta e 67-të. Voca dhe Demhasaj dhanë maksimumin dhe e nisën në mënyrën më të mirë edicionin e ri. Xamax importoi një pikë të madhe dhe ishte shumë afër fitores. Thun si vendas u nda baras 2:2 me Xamax-in. Xamax udhëhoqi me 0:2 me golat e Nuzzolos (26’ e 52’) dhe vendasit barazuan përmes Sorgiç (55’-nga penalltia) dhe Rapp (80’).
E veçanta e kësaj ndeshje ishte Taulant Seferi që u paraqit standard por u përjashtua nga loja në minutën e 74-të pas dy kartonëve të verdhë. Ndërsa Arbenit Xhemajli u inkuadrua në lojë në minutën e 89-të, i cili iu gëzua pikës së madhe të Xamax-it. Duhet theksuar, se të premten në mbrëmje Baseli si mysafir ngadhënjeu me rezultat 4:1 ndaj Sionit. Albian Ajeti shënon për Baselin dhe është goli i parë shqiptar për edicionin e sivjetshëm në Zvicër.
Liga e Zvicrës
Young Boys-Servette 1:1
Zurich-Lugano 0:4
St. Gallen-Luzern 0:2
Thun-Xmax 2:2
Sion-Basel 1:4
Tabela
1. Lugano 1 1 0 0 4:0 3
2. Basel 1 1 0 0 4:1 3
3. Luzern 1 1 0 0 2:0 3
4. Xamax 1 0 1 0 2:2 1
5. Thun 1 0 1 0 2:2 1
6. Servette 1 0 1 0 1:1 1
7. Young Boys 1 0 1 0 1:1 1
8. St. Gallen 1 0 0 1 0:2 0
9. Sion 1 0 0 1 1:4 0
10. Zurich 1 0 0 1 0:4 0
