Gavazaj nënshkruan me Kukësin - Bota Sot
Gavazaj nënshkruan me Kukësin

Futboll

Gavazaj nënshkruan me Kukësin

Më: 23 korrik 2019 Në ora: 13:32
Gavazaj nënshkruan me Kukësin

Kukësi ka bërë një goditje të madhe në këtë afat kalimtar, pasi ka njoftuar se e ka transferuar e sulmuesit të Kombëtares Shqiptare, Enis Gavazajn.

Ky i fundit ka qenë pjesë e Skënderbeut të Korçës në sezonet 2016-2018, ndërsa vitin e kaluar e kaloi në huazim mes rusëve të Yenniseyt në fazën e parë dhe bjellorusëve të Dinamos së Minskut në të dytën.

Shifrat e tij në sezonin që lamë pas nuk ishin impresionuese, pasi luajti vetëm 12 takime, duke mos shënuar asnjë gol, por bëhet fjalë për një 24-vjeçar që e njeh mjaft mirë Kategorinë Superiore.

Sulmuesi nga Prizreni është bërë pjesë e Kombëtares Shqiptare në vitin 2018 dhe ka luajtur tri takime, në kohën kur trajner ishte Christian Panucci, ndërsa më pas nuk u ftua më për mungesë aktivizimi.

Me ardhjen e Gavazajt, por edhe me Valdet Ramën, Vasil Shkurtajn dhe Eduart Rrocën, sulmi i Kukësit për sezonin e ri duket i kompletuar dhe njëkohësisht “i frikshëm” për mbrojtjet kundërshtare.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...