Qendërsulmuesi shqiptar i ligës së parë sllovene, Qëndrim Hasanaj, e ka vazhduar kontratën e tij me NK Triglav tani edhe si profesionist.
Hasanaj është formuar si futbollist në këtë klub dhe vazhdon të qëndron besnik ndaj tij.
NK Triglav garon në ligën e parë, pra ligën kryesore të Sllovenisë ku Hasanaj është angazhuar në ekipin A edhe në sezonin e kaluar, por shkaku i një lëndimi nuk kishte mundur të luaj shumë.
Qëndrim Hasanaj është me prejardhje nga Suhareka, ndërsa është i inkuadruar në kombëtaren Shqiptare U21.
Kontrata e rinovuar me NK Triglav është dyvjeçare, pra deri në vitin 2021 dhe me këtë Hasanaj edhe zyrtarisht bëhet profesionist.