Futbollisti i Shqipërisë, Eros Grezda është i gatshëm për një aventurë të re. Grezda është shumë afër largimit nga gjiganti skocez, Rangers.
Skocezët paguan 2 milionë euro te klubi i kroat Lokomotiva verën e kaluar, por aventura britanike e gjakovarit nuk shkoi mbarë.
Interesim për të ka shprehur klubi i Brestit, që sapo është rikthyer në elitën e futbollit francez.
Akordi me gjigantin skocez është arritur për shifrën e 1.75 milionë sterlinave, ndërsa Grezdën e pret një kontratë 4-vjeçare sipas The Sun.
Lojtari ka fluturuar drejt Francës për të mbyllur gjithçka dhe për të zyrtarizuar transferimin e tij në League 1.
Trajneri Gerrard e pranoi se nuk e sheh shqiptarin pjesë të planeve të tij, ndërsa i uron fat për aventurën e re.
“Mendoj se kampionati këtu ishte shumë i fortë për të, por talenti nuk i mungon Grezdës. Nuk kam dyshime që mund të transferohet në një kampionat tjetër, me një skuadër dhe trajner që mund t’i përshtaten stilit të tij”, theksoi legjenda e Liverpoolit.