Ylli i Manchester United, Romelu Lukaku, duket se ka një lutje interesante për skuadrën e tij.
Belgu është në qendër të vëmendjes tash e sa kohë, me emrin e tij që lidhet ngushtë me një kalim të mundshëm në Serie A.
Skuadra e Inter është ajo që ka shfaqur interesim të madh për lojtarin, por së fundmi në garë është futur edhe Juventus.
Manchester United po kërkon plot 80 milionë funte për shërbimet e yllit belg, por kjo shumë po shihet si e lartë nga të gjitha skuadrat e interesuara.
Sipas ‘The Sun’, Lukaku po i lutet skuadrës së tij që ta zbres këtë shumë, në mënyrë që të ketë mundësi të largohet.
Inter deri më tani ka ofruar 54 milionë funte në ofertën e tyre, ofertë që nuk është marrë parasysh nga United.
