Skuadra e Manchester City duket se akoma nuk ka mbyllur hesapet në merkaton e verës.
Kampionët e Premierligës po synojnë që të përforcohen akoma më shumë, kësaj radhe në fazën e mbrojtjes, saktësisht në krahun e djathtë, ku luan Kyle Walker.
Sipas raportimeve të së përditshmes spanjolle ‘Sport’, Manchester City po interesohet për Nelson Semedo.
‘Citizens’ kanë pyetur drejtuesit e Barcës për shërbimet e portugezit, por skuadra katalane kanë bërë të ditur se lojtari është i pa transferueshëm.
Barcelona ka besim të madh tek Semedo, dhe nuk konsideron asnjë mundësi që ta largojë lojtarin nga ‘Camp Nou’.