Me shitjen e konfirmuar të Malcolm te Zenit Shën Petersburg për 40 milionë euro, plus 5 milionë të tjera në formë variablash, Barça ka arkëtuar 134.5 milionë euro, që nga hapja e merkatos verore. Kjo shumë është produkt i shtatë operacioneve të transferimit, në dalje.
Shitja e Malcom është, deri më sot, ajo që ka sjellë më shumë para në klubin blaugrana, duke dalë mbi atë që ishte më fitimprurësja e kësaj vere, transferimi i Jasper Cillessen te Valencia për 35 milionë euro.
André Gomes e vijon renditjen e kësaj liste i treti, për të cilin Everton ka bërë efektive klauzolën e blerjes së parashikuar prej 25 milionë euro. Këto janë shitje të lojtarëve nga ekipi i parë, ndërkohë që Barcelona ka realizuar edhe tri transferime në dalje të filialit të saj, duke marrë disa milionë të tjerë.
