Ky edicion për ekipet shqiptare ka rezultuar një dështim për të gjitha. Katër skuadrat e Shqipërisë, dy të Kosovës dhe dy në Maqedoni, nuk kanë shkuar më tej sesa turi i dytë i Europa Ligës.
Partizani, Feronikeli dhe Shkëndija e nisën në Ligën e Kampioneve dhe pasi u eliminuan atje, u rikthyen që të luanin në Ligën e Europës.
Asnjëra prej tyre nuk ia doli që të bënte një hap madhor për të shkuar drejt turit të tretë të këtij kompeticioni, çka nënkuptonte më shumë të ardhura në arkat e klubeve dhe një mundësi për të synuar fazën “Play Off”.
Në Ligën e Europës, Kukësi, Teuta dhe Laçi u eliminuan që në raundin e parë. Prishtina dhe Shkupi, gjithashtu, nuk ia dolën që të shkonin gjatë në kompeticionet europiane. Nga dje, trevat mbarëshqiptare nuk kanë më një ekip që konkurron.
