Ronaldinho thuhet se është dënuar nga shteti i Brazilit për shmangie të tatimeve.
Sipas mediave braziliane, legjenda e Barcelonës është dënuar nga autoritet e vendit të tij për shmangie të taksave dhe vonesë të pagesës në tatime.
39-vjeçari thuhet se është gjobitur me dy milionë euro si dhe i janë bllokuar 57 asetet nga shteti amerikano-latin.
Ronaldinho po ashtu nuk do të ketë të drejt të dalë jashtë vendit, pasi i është marrë pasaporta dhe janë duke u zhvilluar hetime më të detajuara.
Problemet për ish-anëtarin e Milanit filluan në vitin 2014, atëherë kur u pensionua nga futbolli, pasi tentoi të futej në botën e biznesit.
Tani nga shteti i Brazilit thuhet se i janë konfiskuar edhe disa vila dhe prona të tjera, shkaku i vonesave në taksa dhe disa biznese ilegale.
Avokati i Ronaldinho mohoi që pasuritë e lojtarit të ishin nën kufizime, por i tha Folha de S.Paulo që ai nuk mund të komentojë detajet e çështjes për shkak të vendimit të sekretit gjyqësor.
Ai ishte dy herë lojtari i vitit kur luajti për Barcelonën dhe ai gjithashtu fitoi Kupën e Botës me Brazilin në 2002.
Ylli tjetër i Brazilit, Cafu, gjithashtu ka pasur probleme të ngjashme me pagimin e borxheve, pasi i kanë sekuestruar pasuritë e tij.
