Milan sonte e zhvillon ndeshjen miqësore me Feronikelin, ndërsa kapiteni i skuadrës italiane, Alessio Romagnoli beson se të gjithë do të jenë të kënaqur me atë që do të tregojnë dy skuadrat në fushën e lojës.
“Jam shumë i kënaqur që jemi në Prishtinë dhe shumë i lumtur që këtu ka shumë tifozë të Milanit.
Jemi në fazën përgatitore dhe besoj se do të jetë një lojë shumë e mirë nga e cila të gjithë do të jenë të kënaqur”, ka thënë për RTV Dukagjinin kapiteni kuqezi.
Ndeshja zhvillohet në stadiumin “Fadil Vokrri” dhe fillon në orën 20:45.