Reprezentuesi i Kosovës, Ibrahim Dresheviç, ka lënë të gjithë gojëhapur në minutën e 80-të. Dresheviç u paraqit standard për Heerenveenin e cila si vendas barazoi me rezultat 1:1 me skuadrën e njohur Feyenoord, në ndeshjen e javës së dytë të elitës së futbollit holandez.
“Me një goditje prej rreth dyzet metrash, Ibrahim Dresheviç i solli një pikë të merituar Heerenveenit kundër Feyenoord”, shkruan në faqen e klubit Heerenveen.
Dresheviç me një goditje nga rreth 40 metra e fërfëlloi topin në këndin e majtë të portës rivale dhe barazoi shifrat 1:1.
Berghuis shënon nga penaltia në minutën e 45+2 për Feyenoordin dhe Odgaard dështon nga penalltia për vendasit në minutën e 13-të. Heerenveen është në vend të tretë me 4 pikë e Feyenoord i 12-ti me 2 sosh.