Trajneri i Tottenham, Mauricio Pochettino, ka folur për mesfushorin e tij Ndombele, i cili ka qenë protagonist në fitoren 3-1 me përmbysje të marrë nga "Spurs" kundër Aston Villa-s në javën e parë të Premier League.
"Ka bërë një paraqitje fantastike, por mund të përmirësohet akoma. Ka treguar vetëm 30 ose 40% të potencialit. Me Lyon nuk ka shënuar shumë gola, por ky është një nga aspektet që do të kërkojë të përmirësojë në këtë sezon", ka thënë trajneri argjentinas.
"Është akoma fillimi, por ka shënuar në ndeshjen e tij të parë. Jam i kënaqur për të, është një lojtar që ka ardhur nga një vend tjetër dhe përshtatja nuk është e lehtë. Goli do ta ndihmojë të ndihet më mirë".
