Sami Khedira luan prej 5 sezonesh tek Juventusi, por mesa duket aventurës së tij në Torino, i ka ardhur fundi.
Sipas “La Gazzetta dello Sport”, për mesfushorin interesohen gjermanët e Këlnit, të cilët e duan lojtarin në skuadrën e tyre. 32-vjeçari nuk është në planet e trajnerit të ri, Mauricio Sarri, dhe mund të largohet nga bardhezinjtë.
Destinacioni më i mundshëm duket Gjermania, për shkak se drejtuesit e Këlnit, kanë shfaqur interes për të marrë shërbimet e lojtarit. Gjithsesi një problem për transferimin në Bundesligë, mund të jetë edhe paga e lojtarit, i cili aktualisht tek “Zonja e Vjetër”, përfiton 6 milionë euro në sezon.
Për mesfushorin interesoheshin edhe disa ekipe nga Premier Liga, por me merkaton që është mbyllur në Angli, bëhet i pamundur transferimi i tij atje.
