Barcelona po punojnë fort që ta largojnë nga ‘Camp Nou’ një nga talentët që po konsiderohet si më premtuesi, Riqui Puig.
Kampionët e La Liga janë duke kërkuar që ta lëshojnë lojtarin në formë huazimi, në mënyrë që ai të piqet si lojtar, raporton ‘Marca’.
19 vjeçari luan në pozitën e mesfushorit qendror dhe nuk pritet të ketë minuta për të me skuadrën A, pasi në skuadër ka emra si Frenkie de Jong, Arthur, Rakitic, Vidal e Busquets.
Barcelona e konsideron Puig si një lojtar me të ardhme të ndirut, kështu që ata duan ta dërgojnë atë në huazim që ai të fitojë përvojë me paraqitjet.
I riu ka regjistruar vetëm tri paraqitje me skuadrën A të Barcës gjatë sezonit të kaluar. Dy në La Liga dhe një në Kupën e Mbretit.
