Një lamtumirë pritet të ndodhë te Barcelona dhe këtë herë jo në merkato dhe te futbollistët, por stafi drejtues, ku Ariedo Braida, ish-drejtori sportiv i Milanit, sipas radios katalanase Rac1, në fakt, pritet që të prishë kontratën.
Braida, që mbërriti në vitin 2015 si konsulent ndërkombëtar i futbollit, firmosi rinovimin në vitin 2016 deri në 2021 si drejtor sportiv dhe konsulent ndërkombëtar.
Por, disa zgjedhje të tij nuk janë pëlqyer nga bordi, mes tyre sidomos Prince Boateng, i kërkuar nga italiani.
