Legjenda e Manchester United, Rio Ferdinand ka thënë se sulmuesi i Juventusit, Paulo Dybala nuk është në nivelin e duhur për të luajtur në “Old Trafford”.
Argjentinasi refuzoi mundësinë për të luajtur për “djajtë e kuq” dhe Ferdinandit nuk i ka pëlqyer kjo gjë, andaj ka bërë shumë kritika.
“Shumë njerëz kanë refuzuar të transferohen në Manchester United. Kanë zgjedhur të luajnë tjetër vend. Por Dybala është duke qëndruar si rezervë. Duhet të luajë futboll. Ndoshta mendon se duke qëndruar si rezervë mund ta fitojë Ligën e Kampionëve. Jam i lumtur që nuk erdhi, sepse nuk është në nivelin e duhur. Kemi shumë lojtarë të tjerë me shumë potencial”, deklaroi ai.
