Ish-ndihmës trajneri i “Djajve të Kuq” në kohën e Fergusonit, Steve McClaren, beson se Paul Pogba do të qëndrojë në “Old Trafford”, megjithë zërat e vazhdueshëm për një largim drejt Real Madridit.
Ndërsa merkatoja është ende e hapur në Spanjë, McClaren beson se francezi nuk do të largohet, pasi Manchester United i ka mbyllur transferimet e verës:
“Unë mendoj se Pogba do të qëndrojë, ndryshe do të kishte ikur deri më tani. Klubi do ta kishte zëvendësuar atë. Përderisa nuk e ka bërë këtë, do të thotë se nuk nevojë, kjo është gjëja kryesore. Ju patët rastin ta shihnit Pogba të dielën. Chelsea bëri shumë mirë kundër tij në pjesën e parë, por pasi gjeti hapësira në pjesën e dytë, pasonte saktë dhe mund të shënonte gol. Pra, ai mund të bëjë gjëra të bukura".