Trajneri i Shkëndijës nga Tetova, Qatip Osmani e pranon se pas humbjes nga Akademija Pandev dëshpërimi në radhët e tyre ishte i arsyeshëm. Qato thotë se kanë nevojë për fitore e cila do ta kthente vetëbesimin në skuadër.
“Çdo ndeshje ka karakteristikat e saj dhe ne duhet të kemi qasje sa më serioze kundër Sileksit në drejtim të arritjes së rezultatit të dëshiruar.
Nuk nisëm sezonin ashtu si deshëm dhe padyshim se i arsyeshëm është dëshpërimi kur humb në atë mënyrë me një gol të pranuar nga A. Pandev, derisa nga rastet e krijuara minimum duhej të kishim shënuar 3 herë. Jemi munduar të punojmë në segmentet e lojës që nuk funksionuan si duhet dhe besoj të jemi në nivel në Kratovë.
Kemi nevojë vetëm për një fitore për të bërë kthesën dhe unë jam i bindur se kjo skuadër shpejt do të performojë në nivelin e pritur”, tha Qatip Osmani.
