Deri një muaj më parë ishte mesfushori më i kërkuar në Premier League. Manchester United, Manchester City dhe Tottenham kërkuan gjatë gjithë verës me ngulm mesfushorin portugez Bruno Fernandez, por 25-vjeçari do të qëndrojë te skuadra e Sporting.
Jo vetëm kaq, por klubi portugez do ta bëjë mesfushorin më të paguarin e historisë së këtij klubi. Sipas të përditshmes “A’Bola”, klubi i ka ofruar një rrogë prej 5 milionë eurosh në sezon lojtarit, duke ia shtyrë kontratën deri në vitin 2024.
Për Fernandez skuadra e Tottenham ofroi deri në 70 milionë euro, por Sporting refuzoi. Klubi portugez ka nisur ditët e fundit bisedimet me menaxherin e lojtarit për të finalizuar marrëveshjen e re (kontrata aktuale skadon në vitin 2023).