Arsenali shënon edhe një fitore minimale pas asaj si mysafirë me 1:0 ndaj Newcastle-s. ‘Topçinjtë’ si vendas triumfuan me rezultat 2:1 kundër Burnley-t, në ndeshjen e javës së dytë të Premier League në futboll. Fitore e zorshme e Arsenalit.
Në minutën e 13-të, Alexandre Lacazette, me një vetëmohim të pashoq, pas një tollovie në 16-sh, nga afërsia me një goditje të fortë shënon për 1:0. Në minutën e 43-të, mysafirët barazojnë shifrat 1:1. Mbrojtja e Arsenalit në gjumë dhe Ashley Barnes i vetmuar nga afërsia e plason topin përtokë e në këndin e djathtë.
Futbollisti Pierre-Emerick Aubameyang në minutën e 64-të, nga rreth 17 metra me një gjuajtje të fortë e përtokë e mposhti portierin rival, 2:1.
Arsenali u paraqit pa dy lojtarë shqiptarë, Shkodran Mustafi dhe Granit Xhaka, ky i fundit paksa i lënduar. Arsenali është në krye të tabelës me 6 pikë dhe ka tri më shumë se Burnley.
