Hoeness konfirmon se do të largohet nga posti i presidentit të Bayern Munich - Bota Sot
Hoeness konfirmon se do të largohet nga posti i presidentit të Bayern Munich

Futboll

Hoeness konfirmon se do të largohet nga posti i presidentit të Bayern Munich

Më: 19 gusht 2019 Në ora: 10:45
Uli Hoeness

Uli Hoeness ka konfirmuar se do të largohet nga posti i presidentit të Bayern Munich dhe se nuk do të garojë për t’u rizgjedhur i pari i gjigantit të Bundesligës në zgjedhjet e nëntorit.

Hoeness, 67-vjeçar, tha për gazetën gjermane Bild të dielën se do të vazhdojë të mbetet në bordin e Bayernit. “Por, do të heq dorë nga posti i presidentit kur të vjen koha”, ka thënë ai, transmeton Gazeta Express.

Kjo nënkupton se Bayerni do të votojë për një president të ri në takimin e përgjithshëm në nëntor, me Hoeness që do të largohet nga posti i shefit të bordit.

Pas 40 vjetëve të suksesshme në krye, Hoeness do t’ia dorëzojë frenat ish-shefit të Adidasit, Herbert Hainer, i cili momentalisht është zëvendës i tij në bordin e klubit, i cili shihet si pasues i tij.

Që prej se Hoeness erdhi në detyrë më 1979, Bayerni ka gëzuar sukses fenomenal – duke e fituar titullin në Bundesligë 24 herë, Kupën e Gjermanisë 14 herë dhe Ligën e Kampionëve dy herë.

Më 1979, ai u zgjodh drejtor i përgjithshëm dhe më pas u promovua në president të klubit më 2009.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...