Sulmuesi i Chelseat, Christian Pulisic, mund të ishte lojtar i Manchester United, mirëpo një gjë e tillë është refuzuar nga lojtari.
Pulisic ishte i kërkuar nga shumë klube evropiane dhe një ndër ta ka qenë edhe United.
Një gjë të tillë amerikani e ka refuzuar, pasi gjatë asaj kohe ishte trajner Jose Mourinho, i cili nuk iu jepte ndonjë shans lojtarëve të ri.
Ish-trajneri i amerikanit, Robin Walker, e ka bërë këtë gjë të qartë.
“Kur isha në Dortmund vitin e kaluar, i thashë atij të transferohet në United, mirëpo nuk dëshiroi, pasi ishte trajner Mourinho, i cili nuk iu jepte mundësi lojtarëve të rinj”, deklaroi ai.
Te Chelsea, pas largimit të Eden Hazardit, 20-vjeçari vlerësohet si një prej pikave më të forta të ekipit të Lampardit.
