Trajneri i Liverpoolit, Jurgen Klopp ka pranuar se Liverpooli dëshironte ta transferonte Philippe Coutinhon, mirëpo nuk kishin para.
Coutinho i është bashkuar Bayern Munichit në formë huazimi me mundësi blerje.
Tekniku gjerman tha se klubi dëshironte rikthimin e tij, mirëpo nuk kishin para për të kompletuar këtë transferim.
“Duket e çuditshme, mirëpo nuk kishim para. Klubi shpenzoj paratë që fituan nga shitja e tij. Dëshironim ta transferonim në ekip, mirëpo Barcelona fokusohej në para. Është një lojtar i mirë. Është një yll botëror, i cili mund të ndryshoj lojën”, deklaroi ai.