Takimi ndërmjet ekipeve Young Boys dhe Crvena Zvezda në kuadër të kualifikimeve për Ligën e Kampionëve, përveç rëndësisë sportive, ka bërë bujë në media edhe për shkak të shkrimeve të shumta që e përfshijnë Xherdan Shaqirin dhe shqiptarët e Zvicrës dhe ekipin serb.
Gazeta më e madhe e Zvicrës Blick, ndeshjen e sotme e ka quajtur “çështje nderi” për futbollin zviceran, madje duke thënë se luhet edhe për nder të Shaqirit dhe duke i quajtur serbët “humbës të këqij”, transmeton Insporti.
Kuptohet Blick i referohet humbjes që Shaqiri e Xhaka, si futbollistë të kombëta5res së Zvicrës, të lidnur në Kosovë, ia kishin shkaktuar Serbisë në Kupën e Botës në Rusi.
Madje, kjo gazetë shkon tutje dhe shkuan se “presioni politik” kishte bërë që Liverpooli të mos e merrte Shaqirin në Beograd në ndeshje me Zvezdën sezonin e kaluar, ku Zvezda fitoi, kështu që Young Boysi duhet të luajë për nderin e futbollit zviceran dhe për atë të të Shaqirit.
Këto shkrime kuptohet që nuk janë pritur nga mediat serbe, që kanë vendosur tituj të tipit “paralajmërim provokues i ndeshjes nga mediat e Zvicrës” dhe shkrime të ngjashme.
Takimi zhvillohet në Bern dhe fillon në ora 21:00.
