FC Vushtrria ka njoftuar për përforcimet e radhës, që do t’i prezantojë nesër, si dhe për ndryshimet në infrastrukturën e klubit.
Vushtrria, kampione e Kosovës më 2014, është kthyer sivjet në elitën e futbollit.
Ata të premten do t’i prezantojnë edhe përforcimet e fundit, katër futbollistë të rinj nga Brazili dhe një transfer i lirë, ka bërë të ditur klubi.
“FC Vushtrria do të bëjë nesër prezantimin e përforcimeve të saj të fundit katër lojtareve të ardhur nga Brazili dhe një lojtar i transferuar si lojtar i lirë Prezantimi do të behet në ora 11:00 në stadiumin e klubit “Ferki Aliu” në Vushtrri”, thuhet në njoftimin e Vushtrrisë, e cila tashmë ka krijuar edhe plane infrastrukturore.
“Klubi gjithashtu do te flas edhe per objektivat e tij per kete sezone dhe sezonet e ardhshme. Gjithashtu do te njoftojm edhe per planet tona per rregullimin e infrastrukuteres se klubit”, thuhet tutje në njoftim.
Në xhiron e parë, Vushtrria pësoi humbje 4:1 në udhëtim te Llapi në Podujevë.
