Tifozët ultras të Lazios kanë njoftuar se do të protestojnë sot gjatë derbit lokal me Romën, derisa klubi nuk kishte shprehur ngushëllime për vrasjen e liderit të tyre.
Ky rast e tronditi qytetin e Romës në muajin e kaluar, kur Fabrizio Piscitelli, i njohur për të gjithë si Diabolik, u gjuajt prapa kokës në atë që policia e ka quajtur si një ekzekutim.
Ai kishte disa raste gjyqësore në lidhje me drogën dhe besohet se vrasja ka ndodhur për motive në lidhjet e tij kriminale.
Disa grupe të tifozëve ultras kanë thënë se Piscitelli nuk ka qenë pjesë e rrethit të tyre prej kohësh.
Sidoqoftë, grupi “Irriducibili” mori pjesë në funeralin e tij me flamuj dhe banera.
Sot ata do të ulen në heshtje për pjesën e parë në ndeshjen mes Lazios dhe Romës, që fillon në orën 18:00.
Ata po protestojnë sepse Lazio nuk i shprehu publikisht ngushëllimet për tifozin e vrarë.