FIFA mund ta detyrojë PSG-në që ta shesë Neymarin te Barcelona - Bota Sot
FIFA mund ta detyrojë PSG-në që ta shesë Neymarin te Barcelona

Futboll

FIFA mund ta detyrojë PSG-në që ta shesë Neymarin te Barcelona

Më: 4 shtator 2019 Në ora: 16:39
Neymar

Neymar u detyrua të qëndronte te PSG, por me idenë se transferimi do të kryhet patjetër verën e ardhshme. Gjithsesi ekziston mundësia që FIFA ta detyrojë ekipin francez që të pranojë ofertën.

Në nenin 17 të Rregullores për Statutin dhe Transferimin e Futbollistëve, parashikohet që institucioni më i rëndësishëm në botë të vendosë çmimin për shitjen e lojtarit, nëse ky i fundit nuk ka rinovuar kontratën në përfundim të sezonit të tretë.

Verën e ardhshme, Neymar do të përmbushë atë që FIFA e përkufizon si periudha e mbrojtjes, që janë 3 sezone të plota, apo 3 vjet. Kur të kalojë kjo periudhë, nëse futbollisti ka ende të njëjtën kontratë që nënshkroi në momentin kur u ble nga një klub (pa e rinovuar atë), FIFA i njeh të drejtën për t’u larguar, duke paguar një dëmshpërblim.

Ky dëmshpërblim përllogaritet nëpërmjet një formule të vetë FIFA-s, që merr në konsideratë koston e futbollistit në momentin e transferimit dhe amortizimin, pa harruar këtu edhe faktorë të tjerë.

Përfaqësuesit e Neymarit janë konsultuar tashmë me FIFA-n dhe e dinë që klienti i tyre vitin tjetër mund të largohet nga Paris Saint Germain për vlerën e 170 milionë eurove, çmim që sigurisht do të vendoset nga qeveria futbollit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...