Kombëtares po i thahet uji i pishinës, do vijë një ditë që...

Futboll

Kombëtares po i thahet uji i pishinës, do vijë një ditë që...

Më: 6 shtator 2019 Në ora: 17:42
Lorik Cana

Lorik Cana flet hapur mbi problemet e kombëtares së Shqipërisë që pas Euro 2016 dhe për të parën herë thotë atë që ndoshta ka mbajtur të fshehur për shumë kohë në mendjen e tij, por që në biseda private me miq mund ta ketë thënë...

"Eshtë periudha më e vështirë për Shqipërinë", thotë ish-kapiteni për "Le Parisien". "Pritej, në fakt, sepse pas Europianit 2016, duhet të vinte ndërrimi i brezit por tani kemi një boshllëk të madh. Praktikisht, disa futbollistë u tërhoqën, të tjerë që në Europian u paraqitën mirë tani nuk po e bëjnë dhe ato pritshmëri janë zbehur. Jo vetëm kaq, por kanë ikur elementë cilësorë dhe nuk janë zëvendësuar".

Ish-kapiteni më pas thotë se "problemi lidhet me formimin e Kosovës por edhe Maqedonia e Veriut, pasi 8-9 vite më parë, mblidhnim më të mirët, që kishin kombësi shqiptare por me origjinë kosovare apo maqedonase, ndërsa tani shkojnë me kombëtaret e tyre. Kështu, Shqipëria duhet të shohë te produkti vendas por nuk është e lehtë. Jemi bërë si ajo pishina të cilës po i thahet uji. Do të vijë një ditë që do të jetë edhe më e vështirë, duhet të ndryshojmë diçka".

"Tani lojtarët ose ambjenti kuqezi më sheh si vëllain e madh, por jam krenar që kam mbajtur shiritin dhe i kamë thënë jo Domenech kur ishte koha... Franca më kërkoi, ashtu edhe Zvicra, por doja vetëm Shqipërinë".

"Të presim atë epokë të re, atë erë që do të na shtyjë drejt një tjetër arritje si Euro 2016, edhe pse aktualisht jemi ende me shumë probleme".

commentFirst article
Sot mund të lexoni Shfletoni kopertinat