Shumë emra janë në luftë për një vend në formacionin startues, në repartin e mesfushës, tek Barcelona.
Afrimi i Frenkie de Jong gjatë kësaj vere ka bërë që konkurrenca të rritet jashtëzakonisht shumë tek skuadra katalane, sidomos në repartin e mesfushës.
Emra si De Jong, Arthur, Alena e Rakitic janë në kontest për një vend në formacionin A të Barcelonës.
‘AS’ shkruan se lufta në repartin e mesfushës tek Barcelona po i vështirëson shumë gjërat për Valverde.
Rakitic ka vendosur të mos i bashkohet kombëtares së Kroacisë, duke qëndruar me skuadrën për tu stërvitur.
Alena dhe Arthur në anën tjetër janë paraqitur në kampin stërvitor një ditë më herët sesa ishte planifikuar.
Mbetet të shihet se kush do të jetë zgjedhja e trajnerit për ndeshjen që Barcelona luan në vikend.
